Փարիզի հանրահայտ Պալե դե Կոնգրե համերգասրահում (Palais des Congrès de Paris) առաջին անգամ ֆրանսիացի հանդիսատեսին ներկայացվեց Արամ Խաչատրյանի «Դիմակահանդես» բալետը

28 հոկտեմբերի, 2023

Հոկտեմբերի 26-ին և 27-ին Փարիզի հանրահայտ Պալե դե Կոնգրե համերգասրահում (Palais des Congrès de Paris) Հայաստանի օպերայի և բալետի ազգային ակադեմիական թատրոնը առաջին անգամ ֆրանսիացի հանդիսատեսին ներկայացրեց մեծանուն կոմպոզիտոր Արամ Խաչատրյանի «Դիմակահանդես» բալետը՝ ՀՀ ժողովրդական արտիստ Վիլեն Գալստյանի բեմադրությամբ։

Բացառիկ այս համերգը կազմակերպվել է կոմպոզիտորի ծննդյան 120-ամյա հոբելյանի կապակցությամբ՝ Հայաստանի Հանրապետության կրթության, գիտության, մշակույթի և սպորտի նախարարության, Ֆրանսիայում Հայաստանի Հանրապետության դեսպանության, Ֆրանսիայում Հայաստանի դեսպանության բարեկամների միության և «Franceconcert» ընկերության հետ համագործակցաբար։

Համերգին ներկա էին Ֆրանսիայի բարձրաստիճան պաշտոնյաներ, Ֆրանսիայում հավատարմագրված օտարերկրյա դիվանագետներ, մտավորականներ, հասարակական գործիչներ, ֆրանսահայ համայնքի ականավոր ներկայացուցիչներ։

Հոկտեմբերի 29-ին բալետային ներկայացում տեղի կունենա նաև Ստրասբուրգի Զենիթ-Եվրոպա համերգասրահում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր